Сын-Таш айылынын Камчыбек Шакиров атындагы жалпы билим берүү орто мектеби Ысык-Ата району

Мектепте 25-май "Акыркы коңгуроо" салтанаты онлайн форматта өткөрүлдү.

9-май Улуу Жеңиштин 76-жылдыгына карата мектепте тарбиялык иш-чаралар, жана жөө жарыш өткөрүлдү.

Мугалимдер күнүнө карата "Мугалим мөмөлүү - дарак"- деген темада жалпы мектепте тарбиялык иш-чаралар өткөрүлдү. Иш-чараны 11-класстардын окуучулары жоопкерчилик менен уюштурушту. 5-октябрда мектептеги жалпы окуучулары, мектептин алдынан ар бир мугалимди кол чабуулар менен тосуп алышты. Андан соң мугалимдерге чакан концерт уюштурулду. Мугалимдердин көңүлдөрү көтөрүлүп, окуучуларга ыраазычылыктарын билдиришти.

Коомчулуктун жана билим берүү мекемелеринин көңүлүн кары адамдарга бөлүү, боорукерликке, кайрымдуулукка чакыруу максатында, Сынташ орто мектебинде 30-сентябрда карылар күнүнө карата төмөндөгүдөй иш чаралар өткөрүлдү. Түзүлгөн пландын негизинде биринчиден кары адамдардын тизмеси толукталды жана алар Тимур командаларына бекитилди. Мындан тышкары карылар күнүнө карата мектептин окуучулары ар бир кары адамдын үйүнө барып жардам беришти.

Мектепте 23-сентябрь "Тил күнүнө" карата бир айлык иш-чаралар түзүлүп, класстык сааттар, сынактар уюштурулду. Мындан тышкары 23-сентябрь күнү кыргыз тили жана кыргыз адабияты мугалимдери уюштурган майрамдык кеченин ачылышы болду. Бул иш-чарага 5-11-класстардын окуучулары катышышты. Бул иш-чарада кыргыз тили боюнча ырлар, оюндар, дубал гезиттер, улуттук кийимдер, кыргыз элинин унутта калган сөздөрү, көркөм окуу сынагы жана башка абдан кызыктуу макал айтышуу, жаңылмач айтышуу, акыя айтышуу сынактары өткөрүлдү. Окуучулар абдан кызыгуу менен катышышты. активдүү катышкан класстар жана окуучулар грамоталар менен сыйланышты.

Ысык-Ата районундагы Камчыбек Шакиров атындагы жалпы билим берүү орто мектебинде 2021-жылдын 15-сентябрында саат 9:00до салтанаттуу линейка башталды. Мектептин алды кооз желектер, шарлар, сүрөттөр илинип, көрктүү жасалгаланды. Линейкага топтолуш мүмкунчүлуктөрүн азайтуу максатында 1-класстын ата-энелери эле коштоп келишти. Мектеп жетекчиси Иманалиева Л.М билим күнү менен куттуктап, өз сөзүндө окуучуларга ак жол жана келечекте жакшы окуучулар болушун каалап кетти. 1-11-класстардын майрамдык программасы көрсөтулдү. Окуучулар Билим күнүнө жана мекенге карата көркөм ырларын айтышып, бийлерин аткарышты. Салтанаттуу линейкадан кийин Ата Мекендин алдында атуулдук милдет түшүнүктөрүн баалай билүү жана патриоттук сезимге тарбиялоодо биринчи сабак өткөрүлдү. Башталгыч класстар "Ата-Журтум-асыл мекеним", ал эми жогорку класстар "Түбөлүккө желбирей бер, эгемендик желеги", жана "Мекенибиз Кыргызстан эгемендүүлүк жолунда" аталышындагы тарбиялык сабактарын өтүштү. Сабактын негизги максаты; КРнын Президентинин 2021-жылдын 29-январындагы "Инсандын руханий адеп-ахлактык өнүгүүсү жана дене тарбиясы жөнүндө" жарлыгын ишке ашырууда элдин, жердин тарыхын окуп-үйрөнүү менен Мекенге болгон сүйүүнү арттыруу, улут аралык достукту чыңдоо.